KOOPtel

Eta elkarlanean aritzea koktel on bat prestatzea bezala balitz?

Hainbat eragileren arteko lankidetza-prozesuak errazteko kit metodologikoa diseinatzea. Atarikoak zaintzea eta elkarrekin lan egiteko oinarriak jartzea, (elkar) ezagutzetik, proiektu komun baten definiziotik eta talde-lanetik abiatuta.

Resumen
del proyecto

Proiektuaren
laburpena

Zerbitzuak

Data

2014/01/12/ - 2024/04/16/

Bezeroa

Bizkaiko Foru Aldundiko Ekonomia Sustatzeko Sailaren Berrikuntza Zerbitzua

Kolaboratzaileak

Eusko Jaurlaritzaren Sorkuntza Lantegien Arragoa programaren laguntzarekin, kit-a euskaratzeko eta hainbat prozesutan testatzeko

Servicio

Fecha

01/12/2014 - 31/12/2014

Cliente

Bizkaiko Foru Aldundiko Ekonomia Sustatzeko Sailaren Berrikuntza Zerbitzua

Colaboradoras

Eusko Jaurlaritzaren Sorkuntza Lantegien Arragoa programaren laguntzarekin, kit-a euskaratzeko eta hainbat prozesutan testatzeko

Lankidetzan aritzea premiazko beharra bihurtu da, bai berrikuntzari dagokionez, bai jasangarritasunari dagokionez. Erronka handia da, ez baikaude ohituta besteekin elkartzera, lankidetzan aritzera, prozesuak irekitzera, ezagutza partekatzera, konfiantza izatera edo espektatibak eta mugarriak elkarrekin ezartzera. Gainera, lankidetza-prozesu azkarrak eta finalistak aktibatu ohi ditugu, nahiko genituzkeen fruituak ematen ez dituztenak eta frustragarriak izan daitezkeenak.

Bizkaiko Foru Aldundiaren Arbela programatik zailtasun hori identifikatuta zuten, eta ColaBoraBorarengan konfiantza izan zuten zailtasun horren gainean lan egiteko. Eskaera horri KOOPtelekin erantzun genion, koktelaren metafora erabiliz lankidetzari buruz pentsatzeko proposamenarekin, hain zuzen. Lankidetzaren oinarrizko oinarriak planteatzea eta lankidetza-prozesuak aktibatzeko moduak zaintzea. Metaforari tiraka: oinarria, aroma, proportzio-jokoa, prestaketa-prozedura, dekorazioa, beirateria, koktel-ontzia eta beste tresna espezifiko batzuk kontuan hartzea. Nahasteko eta astintzeko ariketa oso bat, elementuak sormenez aukeratu eta konbinatzekoa, egoera bakoitzerako ahalik eta koktelik onena lortzeko.

Gaira hurbiltzeko, lehenik eta behin “#KOOPtel Enpresen lankidetzarako oinarrizko oinarriak” izeneko jardunaldia antolatu genuen. Bertan, gutaz gain, Ideas for Change erakundeko Javier Creusek, Tipiko Ane Abarrategik eta Cuantics enpresako Diego Soroak parte hartu zuten, nahasketa ondo egiten eta lankidetza bultzatzen lagunduko duten inguruneak eta tresnak proposatuz. HEMEN biltzen dira topaketa horretako material, aurkezpen eta ikaskuntza guztiak.

Eta, aldi berean, kit metodologiko oso bat diseinatu genuen, lankidetza errazteko. Elkarrekin edo bereizita erabiltzeko moduko tresna-kutxa bat, harrezkero guk eta beste askok proiektu askotan erabili duguna. Labur-labur azalduko dizuegu zertaz doan eta zer duen, deskargatu eta erabili nahi duzuenontzat:

  • KOOPtelek zertarako balio duen: hainbat eragileren arteko lankidetza-prozesuak errazteko, haien beharrizan eta gaitasunen gainean lan eginez, lankidetza-eremu potentzialak identifikatzeko eta era guztietako erronka eta aukerei kolektiboki ekiteko.
  • Norentzat: Lankidetza-prozesuak aktibatu nahi dituzten pertsonentzat, bai erakunde eta pertsona ezberdinen artean, bai eta erakunde baten beraren barruan ere.
  • Nola: Koktelaren metafora erabiliz, osagaien konbinazioarekin jolastuz. Lankidetzaren atarikoetan oinarritutako prozesu baten bidez, eta elkarrekin lan egiteko oinarriak jarriz, (elkar) ezagutzatik, proiektu komun baten definiziotik eta talde-lanetik abiatuta.
  • Metodologien kita: KOOPtelek honako tresna metodologiko hauek ditu: Diagnostiko-fitxa | Ez nazazu oihukatu, ez zaitut ikusten-eta| Lankidetzaren bineta | Zergatien pokerra | Kapitalen erruleta | Ekualizatzaileak | Panpina budua | DAFOlandia | Koktel-ontzi eroa | Soziograma bat marraztu | Trello

Azken batean, KOOPtelek elkarrekin iristen lagundu nahi digu, bakoitza bere aldetik nekez iritsiko litzatekeen lekuetara. Beste batzuekin harremanetan jartzera goazenean honakoak galdetzeko gonbita da: zer nahi dut? zer behar dut? zer ekarpen egingo dut? Aktibo partikularrak batzeko modu bat, ikuspegi kolektibotik, guztion onerako. Arriskuak, baliabideak eta kostuak partekatzeko eta porrot-aukerak minimizatzeko modu bat ere bada. NORBERAREN ONENA EMAN ETA BAKOITZAK BEHAR DUENA JASOTZEKO deia!

“Erlazio-oinarri ona #KOOPtel baterako”, 2014ko abendua.

 

“Norberaren onena ematea eta norberak behar duena jasotzea”, 2015eko urtarrila.

No te pierdas
el video

Ez galdu
bideoa

Galería de
Fotos

Argazki
galeria