Egiten duguna
ERRONKA birdefinitu MODUAK eraldatuz
Kolaborazioko Egoerak diseinatzen eta errazten ditugu, pertsonak eta haiek bizi diren inguruneak ardatz hartuta. Gizarte-, estrategia- eta antolamendu-berrikuntzara bideratutako prozesuetan.
Lortu nahi diren erronketan (ZER) eta erronka horiei aurre egiteko moduan (NOLA) jartzen dugu arreta.
Hori guztia egiteko hainbat alorretan mugitzen gara: kolaborazioko diseinua, taldeak osatzeko aholkularitza eta bideratzea, artisau-aholkularitza, teknologia bigunak, ikerketa kualitatibo eta esperimentala, hezkuntza hedatua edo arte performatibo eta testuingurukoak.
Sormena adimen kolektibotik aplikatzen dugu
Zerbitzuak
Teknikak, esperientziak eta jakintzak konbinatuz
Neurrira egindako zerbitzu-sorta eskaintzen dugu, egoera bakoitzera egokituz, lan-esparruaren, lortu nahi diren helburuen edo inplikatutako eragile-motaren arabera, ideiak prozesu, zerbitzu, estrategia edo esperientzia esanguratsu eta eraldatzaile gisa garatzeko.
KOLABORAZIOKO DISEINUA
Design thinking delakoaren osagaiekin, diseinu estrategikoa, espekulatiboa, irekia, trantsiziokoa edo permakultura.
AHOLKULARITZA ETA BIDERATZEA
Prozesuak eta taldeak dinamizatzea eta tailerrak, topaketak, bilerak eta lan kolektiboko saioak antolatzea.
FORMAKUNTZA INSPIRATZAILEA ETA AHALDUNTZAILEA
Eginez ikastetik eta ezagutzak eta esperientziak trukatzetik abiatuta.
Era askotako taldeekin lan egiten dugu (instituzioak, enpresak, erakundeak, komunitateak, taldeak…), eta beti gaude erronka berrietara zabalik. Beraz…
Printzipioak
KO-a
sustatuzlo
Gure balio-proposamena hainbat gakoz, egiteko moduz eta begiradez elikatzen da, partaidetzakoa dena zeharkatzen dutenak hura aberasteko.
AUZOLANA
Guztion ongia bilatuz, partekatua den eta komunitatearentzat onuragarria den hori bezala. Prokomunetik, konfiantzan, aitorpenean eta elkarrekikotasunean oinarritutako ardura banatua duen gobernantza-eredu gisa. Auzolanean, lankidetza eta lan komunitario gisa.
EKO-BIO
Bizitzarekin berriro konektatuz, dimentsio eta zentzu guztietan. Permakulturaren, BIZIgarritasunaren eta RE pentsamenduaren gakoetan. Esku hartzen dugun ingurunearekiko eta horrek eragiten dituen elkarreraginekiko sentikorrak izaten.
ERLAZIONALA
Alderdi prozesualari, prozedurazkoari eta erreprodukziokoari erreparatuz. Beste erritmo, gaitasun eta funtzionaltasun batzuei balioa emanez. Malgutasunez, egokituz eta kokatuz. Afektuetatik, zainketetatik eta etika feministatik.
TRANS-
Artekoen artean. Diziplina, praktika eta jakintzen artean. Inplikatutako eragileen baturatik eta aniztasunetik. Osagarritasunetik, nahasketatik, hibridaziotik, mutaziotik. Gorputza fisikoaren eta digitalaren artean jarriz. Binarismoak gaindituz, O-tik Y-ra pasatuz.
ESPERIMENTALA
Miaketaz. Imajinatuz, kurioseatuz, sortuz, probatuz, zalantzan jarriz, espekulatuz… Beste hizkuntza batzuk eta sentipentsatzeko beste modu batzuk jokoan jarriz. Aurrez zehaztutako errezetetatik edo prozesu estandarizatuetatik haratago bilatzen.
ASKEA ETA IREKIA
Edozein produktu, zerbitzu edo jardueraren iturburu-kodea eskuratu, erreproduzitu, banatu, berrerabili eta birnahastuko dela ziurtatuz (programa, patroi, diseinu, metodologia edota eskuliburu moduan). Hacker etikaren premisari jarraiki, “Arazo bat ere ez litzateke bi aldiz konpondu behar”.